ДССССРБСЖМСНЖК
Эскизді (эскиздік жобаны) келісуден өткізу мемлекеттік көрсетілетін қызмет регламентін бекіту туралы

Жүктеу (DOCX 122 Kb)

Ақмола облысы әкiмдiгiнiң 2016 жылғы 31 мамырдағы № А-7/256 қаулысы. Ақмола облысының Әдiлет департаментiнде 2016 жылғы 8 шiлдеде № 5438 болып тiркелдi

"Мемлекеттiк көрсетiлетiн қызметтер туралы" Қазақстан Республикасының 2013 жылғы 15 сәуiрдегi Заңына сәйкес, Ақмола облысының әкiмдiгi ҚАУЛЫ ЕТЕДI:

1. Қосымша ұсынылып отырған "Эскиздi (эскиздiк жобаны) келiсуден өткiзу" мемлекеттiк көрсетiлетiн қызмет регламентi бекiтiлсiн.

2. Осы қаулының орындалуын бақылау Ақмола облысы әкiмiнiң орынбасары В.Н.Балахонцевқа жүктелсiн.

3. Осы облыс әкiмдiгiнiң қаулысы Ақмола облысының Әдiлет департаментiнде мемлекеттiк тiркелген күнiнен бастап күшiне енедi және ресми жарияланған күнiнен бастап қолданысқа енгiзiледi.

Облыс әкімі                                                           С.Кулагин

Ақмола облысы әкiмдiгiнiң
2016 жылғы 31 мамырда
№ А-7/256 қаулысымен
бекiтiлдi

"Эскиздi (эскиздiк жобаны) келiсуден өткiзу" мемлекеттiк көрсетiлетiн қызмет регламентi 1. Жалпы ережелер

1. "Эскиздi (эскиздiк жобаны ) келiсуден өткiзу" мемлекеттiк көрсетiлетiн қызмет (бұдан әрi — мемлекеттiк көрсетiлетiн қызмет) аудандардың, Көкшетау және Степногорск қалаларының сәулет және қала құрылысы бөлiмдерiмен (бұдан әрi — көрсетiлетiн қызметтi берушi) көрсетiледi.

Өтiнiштi қабылдау және мемлекеттiк қызметтi көрсету нәтижелерiн беру көрсетiлетiн қызметтi берушiнiң кеңсесi арқылы жүзеге асырылады.

2. Мемлекеттiк қызметтi көрсету нысаны: қағаз түрiнде.

3. Мемлекеттiк қызметтi көрсету нәтижесi — эскиздi (эскиздiк жобаны) келiсуден өткiзу немесе Қазақстан Республикасы Ұлттық экономика министрiнiң мiндетiн атқарушының 2016 жылғы 17 наурыздағы № 137 бұйрығымен бекiтiлген "Эскиздi (эскиздiк жобаны) келiсуден өткiзу" мемлекеттiк көрсетiлетiн қызмет стандартының (бұдан әрi — Стандарт) (Нормативтiк құқықтық актiлердi мемлекеттiк тiркеу тiзiлiмiнде № 13610 болып тiркелген) 10-тармағында көзделген негiздер бойынша мемлекеттiк қызметтi көрсетуден бас тарту туралы дәлелдi жауап беру.

Мемлекеттiк қызметтi көрсету нәтижесiн беру нысаны: қағаз түрiнде.

2. Мемлекеттiк қызмет көрсету процесiнде көрсетiлетiн қызметтi берушiнiң құрылымдық бөлiмшелерiнiң (қызметкерлерiнiң) iс-қимыл тәртiбiн сипаттау

4. Мемлекеттiк көрсетiлетiн қызметтi алу үшiн көрсетiлетiн қызметтi алушы Стандарттың 9-тармағында көрсетiлген құжаттарды ұсынады.

5. Мемлекеттiк қызмет көрсету процесiнiң құрамына кiретiн әрбiр рәсiмнiң (iс-қимылдың) мазмұны, оның орындалу ұзақтығы:

1) кеңсе қызметкерi құжаттар келiп түскен сәттен бастап оларды қабылдауды және тiркеудi iске асырады — 15 минут;

2) басшы құжаттарды қарайды және жауапты орындаушыны анықтайды — 1 сағат;

3) жауапты орындаушы көрсетiлетiн қызметтi алушымен ұсынылған құжаттардың пакетiн орнатылған талаптарының сәйкестiгiне:

техникалық және (немесе) технологиялық жағынан күрделi емес объектiлер бойынша, мерзiмi 5 (бес) жұмыс күнiнен аспайтын дәлелдi бас тарту жағдайларын қоспағанда — 7 жұмыс күн;

техникалық және (немесе) технологиялық жағынан күрделi объектiлер бойынша, мерзiмi 5 (бес) жұмыс күнiнен аспайтын дәлелдi бас тарту жағдайларын қоспағанда, консультативтiк-кеңесшi органдарға (бұдан әрi — ККО) жолдайды — 7 жұмыс күн.

4) ККО техникалық және (немесе) технологиялық жағынан күрделi объектiлер бойынша эскиздi (эскиздiк жобаны) қарастырады — 5 жұмыс күн;

5) басшы эскиздi (эскиздiк жобаны) келiседi және қол қояды немесе дәлелдi бас тартады — 1 сағат;

6) кеңсе қызметкерi келiсiлген эскиздi (эскиздiк жобаны) көрсетiлетiн қызметтi алушыға бередi немесе дәлелдi бас тартады — 15 минут.

6. Келесi рәсiмдердiң (iс-қимылдың) орындалуына негiз болатын мемлекеттiк қызметтi көрсету бойынша рәсiмнiң (iс-қимылдың) нәтижесi:

1) өтiнiштi тiркеу;

2) жауапты орындаушыны анықтау;

3) құжаттарды тексеру және дайындау;

4) эскиздi (эскиздiк жобаны) келiсу немесе дәлелдi бас тарту;

5) келiсiлген эскиздi (эскиздiк жобаны) беру немесе дәлелдi бас тарту.

3. Мемлекеттiк қызметтi көрсету процесiнде көрсетiлетiн қызметтi берушiнiң құрылымдық бөлiмшелерiнiң (қызметкерлерiнiң) өзара iс-қимылы тәртiбiн сипаттау

7. Мемлекеттiк көрсетiлетiн қызмет процесiне қатысатын көрсетiлетiн қызметтi берушiнiң құрылымдық бөлiмшелерiнiң (қызметкерлерiнiң) тiзбесi:

1) кеңсе қызметкерi;

2) басшы;

3) жауапты орындаушы;

4) консультативтiк-кеңесшi орган.

8. Әрбiр рәсiмнiң (iс-қимылдың) ұзақтығын көрсете отырып, құрылымдық бөлiмшелер (қызметкерлер) арасындағы рәсiмдердiң (iс-қимылдардың) кезеңдiлiгiн сипаттау:

1) кеңсе қызметкерi құжаттар келiп түскен сәттен бастап оларды қабылдауды және тiркеудi iске асырады — 15 минут;

2) басшы құжаттарды қарайды және жауапты орындаушыны анықтайды — 1 сағат;

3) жауапты орындаушы көрсетiлетiн қызметтi алушымен ұсынылған құжаттардың пакетiн орнатылған талаптарының сәйкестiгiне:

техникалық және (немесе) технологиялық жағынан күрделi емес объектiлер бойынша, мерзiмi 5 (бес) жұмыс күнiнен аспайтын дәлелдi бас тарту жағдайларын қоспағанда — 7 жұмыс күн;

техникалық және (немесе) технологиялық жағынан күрделi объектiлер бойынша, мерзiмi 5 (бес) жұмыс күнiнен аспайтын дәлелдi бас тарту жағдайларын қоспағанда, ККО жолдайды — 7 жұмыс күн.

4) ККО техникалық және (немесе) технологиялық жағынан күрделi объектiлер бойынша эскиздi (эскиздiк жобаны) қарастырады — 5 жұмыс күн;

5) басшы эскиздi (эскиздiк жобаны) келiседi және қол қояды немесе дәлелдi бас тартады — 1 сағат;

6) кеңсе қызметкерi келiсiлген эскиздi (эскиздiк жобаны) көрсетiлетiн қызметтi алушыға бередi немесе дәлелдi бас тартады — 15 минут.

Мемлекеттiк қызметтi көрсету процесiнде көрсетiлетiн қызметтi берушiнiң құрылымдық бөлiмшелерiнiң (қызметшiлерiнiң) өзара әрекетiнiң, рәсiмдер (әрекеттер) кезеңдiлiгiнiң толық сипаттамасы, осы қаулының қосымшасына сәйкес мемлекеттiк қызмет көрсетудiң бизнес-процестерiнiң анықтамалығында көрсетiледi.

"Эскиздi (эскиздiк жобаны)
келiсуден өткiзу" мемлекеттiк
көрсетiлетiн қызметтiң
регламентiне
қосымша

"Эскиздi (эскиздiк жобаны) келiсуден өткiзу" мемлекеттiк қызмет көрсетудiң бизнес-процестерiнiң анықтамалығы

Мақаланың шыққан күні: 26.07.2016 09:52
Парақтағы соңғы өзгерістер: 09.03.2017 16:04
Қаралым саны: 163
Модернизация 3.0 Модернизация 3.0 Модернизация 3.0 Модернизация 3.0
 
Сайттың әзірлеуші ИНТЕГРО Компаниясы
Яндекс.Метрика