ДССССРБСЖМСНЖК
Ақмола облысының әкімінің Архитектуралық -қала құрылысы кеңесі туралы ереже

Ақмола облысы әкiмдiгiнiң
2012 жылғы 20 қарашадағы
№ А-12/551 қаулысымен бекiтiлдi

Ақмола облысы әкімдігі жанындағы
сәулет-қала құрылысы кеңесі туралы
ЕРЕЖЕСІ 

1. Жалпы ережелер

1. Сәулет-қала құрылысы кеңесi (бұдан әрi — кеңес) сәулет, қала құрылысы, құрылыс, дизайн және көркем-монументтiк мәселелердi қарастыратын Ақмола облысы әкiмдiгiнiң консультативтiк-кеңесшi органы болып табылады.

2. Кеңес өз қызметiнде Қазақстан Республикасының зандарың, Қазақстан Республикасы Президентiнiң Жарлықтары мен өкiмдерiн, Ақмола облысы әкiмдiгiнiң қаулыларын, сондай-ақ осы Ереженi басшылыққа алады.

3. Кеңестiң жұмыс органы Ақмола облысының сәулет және қала құрылысы басқармасы болып табылады.

4. Кеңес шешiмдерi ұсынымдық сипатқа ие.

2. Негiзгi мақсаттары және мiндеттерi

5. Кеңес Ақмола облысының барлық аумағында инвестициялық-құрылыстық қызметiңде қолданылатын бiртұтас қала құрылысы және сәулет саясатын, жобалардың сапасын жоғарылатуда практикалық iске асыру мақсатында құрылған.

6. Кеңестiң негiзгi мiндетi Ақмола облысының аумағындағы инвестициялық-құрылыстық қызмет үрдiсiнде жүзеге асырылатын қала құрылысы және сәулет жобаларын бағалаудың кәсiбi өлшемдерiн қалыптастыру болып табылады.

7. Кеңеске:

заңды және жеке тұлғалардың тапсырыстары бойынша әзiрленетiн, барлық жобалау алдындағы және жобалық құжаттар бойынша қала құрылысы және сәулет шешiмдерiн;

жалпы қалалық бағдарламалар мен бас жоспарды қалыптастырудың қала құрылысы концепцияларын;

қала құрылысы кешендерi бас жоспарларының жобаларын, егжей-тегжей жоспарлау жобаларын, қалалар мен елдi мекендер аумақтарының құрылысын салу жобаларын;

қалалар мен елдi мекендер аумақтарының инженерлiк және көлiктiк аумақтарын функционалдық бөлу жобаларын;

құрылыстың барлық түрлерiн орналастыру бойынша ұсыныстарын;

жеке ғимараттар мен имаратардың, олардың кешендерiнiң құрылыс жобаларын;

iздестiру және эксперименттiк жобаларын;

қалалық дизайн және монументтiк өнер объектiлерiнiң, сәулет-көркем рәсiмдеу және кешендiк абаттандырудың жобаларын қарастыру жүктеледi.

3. Кеңестiң құқықтары

8. Кеңесi:

1) жобалау ұйымдарынан, құрылыс салушылардан қала құрылысы мен сәулет жобаларын бағалау үрдiсiнде айқындалған қажеттi анықтамаларды, құжаттарды, сызбалар мен есептеулердi сұратуға;

2) жобалау ұйымдары, құрылыс салушылар, тапсырыс берушiлер, мердiгерлер мен басқа ұйымдардың өкiлдерiн (келiсiм бойынша) кеңес отырысын дайындау үрдiсiнде немесе мәселелердi қарастырған сәттерде болуларын қажеттiлiгiне қарай тартуға;

3) сәулет жән қала құрылысы қызметi мәселелерi жөнiнде облыстың аудандар мен қалалары әкiмдiктерiнiң құрылымдық бөлiмдерiңе үндеу жолдауға құқылы.

4. Кеңестiң құрылымы және басқаруы

9. Ақмола облысы әкiмiнiң орынбасары кеңестiң төрағасы, Ақмола облысы сәулет және қала құрылысы басқармасының басшысы кеңес төрағасының орынбасары болып табылады.

10. Кеңес отырысына кеңестiк дауысқа құқығы бар отандық және шетел сәулет қоғамдық өкiлдерi (келiсiм бойынша), жобалау институттарының директорлары, қалалар мен аудандардың бас сәулетшiлерi, қалалық басқару, мемлекеттiк қадағалау органдарының қызметкерлерi мен басқа заңды және жеке тұлғалары қатыса алады.

5. Кеңес жұмысының регламентi

11. Кеңесте облыс аумақтарының құрылысын салу үшiн маңызды нобайлы жобалар қарастырылады.

12. Тапсырыс берушi қарау үшiн келесi материалдарды ұсынады:

1) Ақмола облысы аумағында құрылыс салу мәселелерiне қатысты кеңес төрағасына құрылысшыдаң өтiнiш;

2) елдi мекен бас жоспары есебiмен құрылыс объектiлерiне (кешендерiне) тiрек жоспар (аумақтың орналасуының ахуалдық схемасы) — 800*600 мм кем емес мөлшерiмен планшет;

3) объектiнiң (кешеннiң, аумақ құрылысының) бас жоспарының нобайы — 800*600 мм кем емес мөлшерiмен планшет;

4) аумақ құрылысының сәулет-қала құрылысы концепцияларын құру жөңiнде жобалаушының ойың толық шарада ашатын объектiнiң (кешеннiң, аумақ құрылысының) нобайы — 800*600 мм кем емес мөлшерiмен планшет;

13. Кеңесте материалдарды қарағанда баяндамашы нобайлы жобаны әзiрлеушi автор немесе тапсырыс берушi болып табылады.

14. Қарау және талқылау қорытындылары бойынша жобаның мақсатқа лайықтылығы туралы (ұсыныс сипатында) хаттамалық шешiм қабылданады.

Кеңес отырысының қорытындылары мүдделi заңды және жеке тұлғаларға жеткiзiледi.

15. Хаттамаға кеңес төрағасы мен хатшысы қол қояды.

Мақаланың шыққан күні: 15.02.2016 17:10
Парақтағы соңғы өзгерістер: 12.04.2017 11:17
Қаралым саны: 228
Модернизация 3.0 Модернизация 3.0 Модернизация 3.0 Модернизация 3.0
 
Сайттың әзірлеуші ИНТЕГРО Компаниясы
Яндекс.Метрика