ДССССРБСЖМСНЖК
«Құрылыс және реконструкция (қайта жоспарлау, қайта жабдықтау) жобаларына бастапқы материалдарды ұсыну» мемлекеттiк көрсетiлетiн қызмет стандарты

Жүктеу (DOCX 47 Kb)

"Қазақстан Республикасының аумағында жылжымайтын мүлiк объектiлерiнiң мекенжайын айқындау бойынша анықтама беру", "Құрылыс және реконструкция (қайта жоспарлау, қайта жабдықтау) жобаларын әзiрлеу кезiнде бастапқы материалдарды ұсыну" және "Тiреу және қоршау конструкцияларын, инженерлiк жүйелер мен жабдықтарды өзгертпей қолданыстағы ғимараттардағы үй-жайларды (жекелеген бөлiктерiн) реконструкциялауға (қайта жоспарлауға, қайта жабдықтауға) шешiм беру" мемлекеттiк көрсетiлетiн қызметтер стандарттарын бекiту туралы" Қазақстан Республикасы Ұлттық экономика министрiнiң мiндетiн атқарушының 2015 жылғы 27 наурыздағы № 257 бұйрығына өзгерiстер енгiзу туралы

Қазақстан Республикасы Инвестициялар және даму министрiнiң 2018 жылғы 11 қаңтардағы № 13 бұйрығы. Қазақстан Республикасының Әдiлет министрлiгiнде 2018 жылғы 26 ақпанда № 16430 болып тiркелдi

БҰЙЫРАМЫН:

1. "Қазақстан Республикасының аумағында жылжымайтын мүлiк объектiлерiнiң мекенжайын айқындау бойынша анықтама беру", "Құрылыс және реконструкция (қайта жоспарлау, қайта жабдықтау) жобаларын әзiрлеу кезiнде бастапқы материалдарды ұсыну" және "Тiреу және қоршау конструкцияларын, инженерлiк жүйелер мен жабдықтарды өзгертпей қолданыстағы ғимараттардағы үй-жайларды (жекелеген бөлiктерiн) реконструкциялауға (қайта жоспарлауға, қайта жабдықтауға) шешiм беру" мемлекеттiк көрсетiлетiн қызметтер стандарттарын бекiту туралы" Қазақстан Республикасы Ұлттық экономика министрiнiң мiндетiн атқарушының 2015 жылғы 27 наурыздағы № 257 бұйрығына (Нормативтiк құқықтық актiлердi мемлекеттiк тiркеу тiзiлiмiнде № 11018 болып тiркелген, "Әдiлет" ақпараттық-құқықтық жүйесiнде 2015 жылы 5 маусымда жарияланған) мынадай өзгерiстер енгiзiлсiн:

көрсетiлген бұйрықпен бекiтiлген "Құрылыс және реконструкция (қайта жоспарлау, қайта жабдықтау) жобаларын әзiрлеу кезiнде бастапқы материалдарды ұсыну" мемлекеттiк көрсетiлетiн қызмет стандарты осы бұйрыққа 1-қосымшаға сәйкес жаңа редакцияда жазылсын;

көрсетiлген бұйрықпен бекiтiлген "Тiреу және қоршау конструкцияларын, инженерлiк жүйелер мен жабдықтарды өзгертпей қолданыстағы ғимараттардағы үй-жайларды (жекелеген бөлiктерiн) реконструкциялауға (қайта жоспарлауға, қайта жабдықтауға) шешiм беру" мемлекеттiк көрсетiлетiн қызмет стандарты осы бұйрыққа 2-қосымшаға сәйкес жаңа редакцияда жазылсын.

2. Қазақстан Республикасы Инвестициялар және даму министрлiгiнiң Құрылыс және тұрғын үй-коммуналдық шаруашылық iстерi комитетi:

1) осы бұйрықты Қазақстан Республикасы Әдiлет министрлiгiнде мемлекеттiк тiркеудi;

2) осы бұйрық мемлекеттiк тiркелген күнiнен бастап күнтiзбелiк он күн iшiнде оның қазақ және орыс тiлдерiндегi қағаз тасығыштағы және электрондық нысандағы көшiрмелерiн Қазақстан Республикасы Нормативтiк құқықтық актiлерiнiң эталондық бақылау банкiне ресми жариялау және енгiзу үшiн "Республикалық құқықтық ақпарат орталығы" шаруашылық жүргiзу құқығындағы республикалық мемлекеттiк кәсiпорнына жiберудi;

3) осы бұйрық мемлекеттiк тiркелгеннен кейiн күнтiзбелiк он күн iшiнде оның көшiрмелерiн мерзiмдi баспа басылымдарына ресми жариялауға жiберудi;

4) осы бұйрықты Қазақстан Республикасы Инвестициялар және даму министрлiгiнiң интернет-ресурсында орналастыруды;

5) осы бұйрық Қазақстан Республикасы Әдiлет министрлiгiнде мемлекеттiк тiркелгеннен кейiн он жұмыс күнi iшiнде осы тармақтың 1), 2), 3) және 4) тармақшаларына сәйкес iс-шаралардың орындалуы туралы мәлiметтердi Қазақстан Республикасы Инвестициялар және даму министрлiгiнiң Заң департаментiне ұсынуды қамтамасыз етсiн.

3. Осы бұйрықтың орындалуын бақылау жетекшiлiк ететiн Қазақстан Республикасының Инвестициялар және даму вице-министрiне жүктелсiн.

4. Осы бұйрық алғашқы ресми жарияланған күнiнен кейiн күнтiзбелiк жиырма бiр күн өткен соң қолданысқа енгiзiледi.

Қазақстан Республикасының
Инвестициялар және даму министрi Ж. Қасымбек
"КЕЛIСIЛГЕН"

Қазақстан Республикасының
Ақпарат және коммуникациялар
министрi
____________ Д. Абаев
2018 жылғы 31 қаңтар
"КЕЛIСIЛГЕН"

Қазақстан Республикасының
Ұлттық экономика
министрi
____________ Т. Сүлейменов

2018 жылғы 26 қаңтар
Қазақстан Республикасы
Инвестициялар және даму министрiнiң
2018 жылғы 11 қаңтардағы
№ 13 бұйрығына
1-қосымша

Қазақстан Республикасы
Ұлттық экономика министрiнiң мiндетiн атқарушының
2015 жылғы 27 наурыздағы
№ 257 бұйрығына
2-қосымша

"Құрылыс және реконструкция (қайта жоспарлау, қайта жабдықтау) жобаларын әзiрлеу кезiнде бастапқы материалдарды ұсыну" мемлекеттiк көрсетiлетiн қызмет стандарты

1-тарау. Жалпы ережелер

1. "Құрылыс және реконструкция (қайта жоспарлау, қайта жабдықтау) жобаларын әзiрлеу кезiнде бастапқы материалдарды ұсыну" мемлекеттiк көрсетiлетiн қызметi (бұдан әрi — мемлекеттiк көрсетiлетiн қызмет).

2. Мемлекеттiк көрсетiлетiн қызмет стандартын Қазақстан Республикасы Инвестициялар және даму министрлiгi (бұдан әрi — Министрлiк) әзiрледi.

3. Мемлекеттiк көрсетiлетiн қызметтi Астана және Алматы қалаларының, аудандардың және облыстық маңызы бар қалалардың жергiлiктi атқарушы органдары (бұдан әрi — көрсетiлетiн қызметтi берушi) көрсетедi.

Құжаттарды қабылдау және мемлекеттiк қызметтi көрсету нәтижелерiн беру:

1) "Азаматтарға арналған үкiмет" мемлекеттiк корпорациясы" коммерциялық емес акционерлiк қоғамы (бұдан әрi — Мемлекеттiк корпорация);

2) www.egov.kz "электрондық үкiмет" веб-порталы (бұдан әрi — портал) арқылы жүзеге асырылады.

2-тарау. Мемлекеттiк қызметтi көрсету тәртiбi

4. Мемлекеттiк қызметтi көрсету мерзiмдерi:

1) Техникалық және (немесе) технологиялық жағынан күрделi емес объектiлердi жобалауға арналған өтiнiштi қарау мерзiмi:

сәулет-жоспарлау тапсырмасын және техникалық шарттарды (бұдан әрi — ТШ) беруге — 6 (алты) жұмыс күнi;

бастапқы материалдарды (сәулет-жоспарлау тапсырмасы, ТШ, егжей-тегжейлi жоспарлау жобасының (бұдан әрi — ЕТЖЖ) көшiрмесi, тiк жоспарлау белгiлерi, жолдар мен көшелердiң көлденең қималары, сыртқы инженерлiк желiлер трассаларының схемалары) алу — 15 (он бес) жұмыс күнi.

Техникалық және (немесе) технологиялық жағынан күрделi объектiлердi жобалауға арналған өтiнiштi қарау мерзiмi:

сәулет-жоспарлау тапсырмасын және техникалық шарттарды беруге — 15 (он бес) жұмыс күнi;

бастапқы материалдарды (сәулет-жоспарлау тапсырмасы, ТШ, ЕТЖЖ-ның көшiрмесi, тiк жоспарлау белгiлерi, жолдар мен көшелердiң көлденең қималары, сыртқы инженерлiк желiлер трассаларының схемалары) алу — 17 (он жетi) жұмыс күнi.

Қолданыстағы ғимараттардағы үй-жайларды (жекелеген бөлiктерiн) реконструкциялауға (қайта жоспарлауға, қайта жабдықтауға) бастапқы материалдарды алуға өтiнiштi қарау мерзiмi — 15 (он бес) жұмыс күнi.

Дәлелдi бас тарту — 5 (бес) жұмыс күнi.

Көрсетiлетiн қызметтi берушi көрсетiлетiн қызметтi алушының құжаттарын алған сәттен бастап 2 (екi) жұмыс күнi iшiнде ұсынылған құжаттардың толықтығын тексередi.

Ұсынылған құжаттарды толық ұсынбау және (немесе) қолданылу мерзiмi өтiп кеткен құжаттарды ұсыну фактiсi анықталған жағдайда көрсетiлетiн қызметтi берушi көрсетiлген мерзiмде өтiнiштi бұдан әрi қараудан дәлелдi бас тарту бередi.

Мемлекеттiк корпорацияға жүгiнген кезде құжаттарды қабылдау күнi мемлекеттiк қызметтi көрсету мерзiмiне кiрмейдi, бұл ретте мемлекеттiк қызметтi көрсету нәтижесi мемлекеттiк қызметтi көрсету мерзiмi аяқталғанға дейiн бiр күн бұрын ұсынылады;

2) көрсетiлетiн қызметтi алушының Мемлекеттiк корпорацияға құжаттар топтамасын тапсыру үшiн күтудiң рұқсат берiлген ең ұзақ уақыты — 15 минут;

3) Мемлекеттiк корпорацияның көрсетiлетiн қызметтi алушыға қызмет рұқсат ететiн көрсетудiң ең ұзақ уақыты — 20 минут.

5. Мемлекеттiк қызметтi көрсету нысаны: электрондық (iшiнара автоматтандырылған) және (немесе) қағаз түрiнде.

6. Мемлекеттiк қызметтi көрсету нәтижесi:

осы мемлекеттiк көрсетiлетiн қызмет стандартына 1-қосымшаға сәйкес нысан бойынша сәулет-жоспарлау тапсырмасы;

техникалық шарттар;

сыртқы инженерлiк желiлер трассаларының схемалары;

егжей-тегжейлi жоспарлау жобасының көшiрмесi;

тiк жоспарлау белгiлерi;

жолдар мен көшелердiң көлденең қималары;

реконструкциялауға (қайта жоспарлау, қайта жабдықтауға) ЖАО-ның шешiмi;

осы стандарттың 10-тармағында көзделген жағдайлар және негiздер бойынша мемлекеттiк көрсетiлетiн қызметтi ұсынудан бас тарту туралы дәлелдi жауап.

Мемлекеттiк қызмет көрсету нәтижесiн беру нысаны: электрондық түрде.

Көрсетiлетiн қызметттi берушi Мемлекеттiк корпорацияға мемлекеттiк қызмет көрсету нәтижесiн қағаз тасығышта алу үшiн жүгiнген жағдайда, қызмет көрсету нәтижесi басып шығарылады.

Мемлекеттiк қызмет көрсету нәтижесiнiң түпнұсқалығын www.egov.kz порталында тексеруге болады.

7. Мемлекеттiк қызметтi жеке және заңды тұлғаларға (бұдан әрi — көрсетiлетiн қызметтi алушы) тегiн көрсетiледi.

8. Жұмыс кестесi:

1) Мемлекеттiк корпорацияда — Қазақстан Республикасының еңбек заңнамасына сәйкес жексенбi және мереке күндерiн қоспағанда, дүйсенбiден бастап сенбiнi қоса алғанда белгiленген жұмыс кестесiне сәйкес үзiлiссiз сағат 9.00-ден 20.00-ге дейiн.

Қабылдау "электрондық" кезек күту тәртiбiмен, жеделдетiп қызмет көрсетусiз, жылжымайтын мүлiк орналасқан жер бойынша жүзеге асырылады. Электрондық кезектi портал арқылы броньдауға болады;

2) портал — жөндеу жұмыстарын жүргiзуге байланысты техникалық үзiлiстердi қоспағанда тәулiк бойы (Қазақстан Республикасының еңбек заңнамасына сәйкес көрсетiлетiн қызметтi алушы жұмыс уақыты аяқталғаннан кейiн, демалыс және мереке күндерi өтiнiш бiлдiрген кезде өтiнiштердi қабылдау және мемлекеттiк қызметтер көрсету нәтижелерi келесi жұмыс күнi жүзеге асырылады).

9. Көрсетiлетiн қызметтi алушыға (не уәкiлеттi өкiлi:

өкiлеттiгiн растайтын құжат бойынша заңды тұлға;

нотариалды куәландырылған сенiмхат бойынша жеке тұлға) жүгiнген кезде мемлекеттiк қызмет көрсету үшiн қажеттi құжаттардың тiзбесi:

1) Мемлекеттiк корпорацияға:

сәулет-жоспарлау тапсырмасын және ТШ-ны алу үшiн:

осы мемлекеттiк көрсетiлетiн қызмет стандартына 2-қосымшаға сәйкес нысан бойынша бастапқы материалдарды/сәулет-жоспарлау тапсырмасын және техникалық шарттарды ұсыну туралы өтiнiш;

жеке басын куәландыратын құжат (көрсетiлетiн қызметтi алушының жеке басын сәйкестендiру үшiн);

жобалауға арналған бекiтiлген тапсырма;

жер учаскесiне құқық беретiн құжат ("Жылжымайтын мүлiк тiркелiмi" мемлекеттiк деректер базасында тiркелмеген жағдайда);

осы мемлекеттiк көрсетiлетiн қызмет стандартына 3-қосымшаға сәйкес нысан бойынша инженерлiк және коммуналдық қамтамасыз ету көздерiне қосылу үшiн техникалық шарттарға арналған сауалнама парағы;

жаңа құрылысқа бастапқы материалдарды алу үшiн:

осы мемлекеттiк көрсетiлетiн қызмет стандартына 2-қосымшаға сәйкес нысан бойынша бастапқы материалдарды/сәулет-жоспарлау тапсырмасын және техникалық шарттарды ұсыну туралы өтiнiш;

жеке басын куәландыратын құжат (көрсетiлетiн қызметтi алушының жеке басын сәйкестендiру үшiн);

жобалауға арналған бекiтiлген тапсырма;

жер учаскесiне құқық беретiн құжат ("Жылжымайтын мүлiк тiркелiмi" мемлекеттiк мәлiметтер базасында тiркелмеген жағдайда);

осы мемлекеттiк көрсетiлетiн қызмет стандартына 3-қосымшаға сәйкес нысан бойынша инженерлiк және коммуналдық қамтамасыз ету көздерiне қосылу үшiн техникалық шарттарға арналған сауалнама парағы;

топографиялық түсiрiлiм;

қолданыстағы ғимараттардағы үй-жайларды (жекелеген бөлiктерiн) реконструкциялауға (қайта жоспарлауға, қайта жабдықтауға) бастапқы материалдарды алу үшiн:

осы мемлекеттiк көрсетiлетiн қызмет стандартына 4-қосымшаға сәйкес нысан бойынша қолданыстағы ғимараттардағы үй-жайларды (жекелеген бөлiктерiн) реконструкциялауға (қайта жоспарлауға, қайта жабдықтауға) бастапқы материалдарды алуға өтiнiш;

жеке басын куәландыратын құжат (көрсетiлетiн қызметтi алушының жеке басын сәйкестендiру үшiн);

жобалауға арналған бекiтiлген тапсырма;

өтiнiш берушiнiң өтiнiштi қарайтын мемлекеттiк органдарға құжаттардың түпнұсқалығын салыстырып тексеру үшiн түпнұсқаларды ұсына отырып, өзгертiлетiн объектiге меншiк құқығын куәландыратын құжаты немесе олардың нотариалдық куәландырылған көшiрмесi ("Жылжымайтын мүлiк тiркелiмi" мемлекеттiк мәлiметтер базасында тiркелмеген жағдайда);

объектiнiң меншiк иесiнiң (тең меншiк иелерiнiң) белгiленген өзгерiс пен оның параметрлерiне жазбаша келiсiмi;

егер үй-жайларды (тұрғын үйдiң бөлiктерiн) жоспарланған реконструкциялау (қайта жоспарлау, қайта жабдықтау) немесе үй-жайлардың шекарасын ауыстыру өзгертiлетiн үй-жайлармен (үйдiң бөлiктерiмен) көршiлес басқа үй-жайлар (үйдiң бөлiктерi) меншiк иелерiнiң мүдделерiн қозғайтын болса, олардың нотариалдық куәландырылған жазбаша келiсiмi;

өзгертiлетiн үй-жайдың техникалық паспорты (тұпнұсқа салыстыру үшiн ұсынылады);

техникалық жоба;

осы мемлекеттiк көрсетiлетiн қызмет стандартына 3-қосымшаға сәйкес нысан бойынша инженерлiк және коммуналдық қамтамасыз ету көздерiне қосылу үшiн техникалық шарттарға арналған сауалнама парағы мен топографиялық түсiрiлiм (қосымша инженерлiк және/немесе коммуналдық қамтамасыз ету көздерiне қосу және/немесе жүктеменi арттыру қажет болған жағдайда);

жер учаскесiне құқық белгiлейтiн құжаттар (егер реконструкциялау жер учаскесiн қосымша бөлудi (кесiп берудi) көздейтiн болса) ("Жылжымайтын мүлiк тiркелiмi" мемлекеттiк мәлiметтер базасында тiркелмеген жағдайда) (түпнұсқаны салыстырып тексеру үшiн ұсынады);

2) порталға:

сәулет-жоспарлау тапсырмасын және ТШ-ны алу үшiн:

осы мемлекеттiк көрсетiлетiн қызмет стандартына 2-қосымшаға сәйкес нысан бойынша бастапқы материалдарды/сәулет-жоспарлау тапсырмасын және техникалық шарттарды ұсыну туралы өтiнiш;

жер учаскесiне құқық беретiн құжаттың электрондық көшiрмесi ("Жылжымайтын мүлiк тiркелiмi" мемлекеттiк мәлiметтер базасында тiркелмеген жағдайда);

жобалауға арналған бекiтiлген тапсырманың электрондық көшiрмесi;

осы мемлекеттiк көрсетiлетiн қызмет стандартына 3-қосымшаға сәйкес инженерлiк және коммуналдық қамтамасыз ету көздерiне қосылу үшiн нысан бойынша техникалық шарттарға арналған сауалнама парағының электрондық көшiрмесi;

жаңа құрылысқа бастапқы материалдарды алу үшiн:

осы мемлекеттiк көрсетiлетiн қызмет стандартына 2-қосымшаға сәйкес нысан бойынша бастапқы материалдарды/сәулет-жоспарлау тапсырмасын және техникалық шарттарды ұсыну туралы өтiнiш;

жер учаскесiне құқық беретiн құжаттың электрондық көшiрмесi ("Жылжымайтын мүлiк тiркелiмi" мемлекеттiк мәлiметтер базасында тiркелмеген жағдайда);

осы мемлекеттiк көрсетiлетiн қызмет стандартына 3-қосымшаға сәйкес нысан бойынша инженерлiк және коммуналдық қамтамасыз ету көздерiне қосылу үшiн техникалық шарттарға арналған сауалнама парағының электрондық көшiрмесi;

топографиялық түсiрiлiмнiң электрондық көшiрмесi берiледi;

қолданыстағы ғимараттардағы үй-жайларды (жекелеген бөлiктерiн) реконструкциялауға (қайта жоспарлауға, қайта жабдықтауға) бастапқы материалдарды алу үшiн:

осы мемлекеттiк көрсетiлетiн қызмет стандартына 4-қосымшаға сәйкес нысан бойынша қолданыстағы ғимараттардағы үй-жайларды (жекелеген бөлiктерiн) реконструкциялауға (қайта жоспарлауға, қайта жабдықтауға) бастапқы материалдарды алуға өтiнiш;

жобалауға арналған бекiтiлген тапсырманың электрондық көшiрмесi;

өтiнiш берушiнiң өтiнiштi қарайтын мемлекеттiк органдарға құжаттардың түпнұсқалығын салыстырып тексеру үшiн түпнұсқаларды ұсына отырып, өзгертiлетiн объектiге меншiк құқығын куәландыратын құжатының электрондық көшiрмесi немесе олардың нотариалдық куәландырылған көшiрмесi ("Жылжымайтын мүлiк тiркелiмi" мемлекеттiк мәлiметтер базасында тiркелмеген жағдайда);

объектiнiң меншiк иесiнiң (тең меншiк иелерiнiң) белгiленген өзгерiс пен оның параметрлерiне жазбаша келiсiмiнiң электрондық көшiрмесi;

егер үй-жайларды (тұрғын үйдiң бөлiктерiн) жоспарланған реконструкциялау (қайта жоспарлау, қайта жабдықтау) немесе үй-жайлардың шекарасын ауыстыру өзгертiлетiн үй-жайлармен (үйдiң бөлiктерiмен) көршiлес басқа үй-жайлар (үйдiң бөлiктерi) меншiк иелерiнiң мүдделерiн қозғайтын болса, олардың нотариалдық куәландырылған жазбаша келiсiмiнiң электрондық көшiрмесi;

өзгертiлетiн үй-жайдың техникалық паспортының электрондық көшiрмесi (тұпнұсқа салыстыру үшiн ұсынылады);

техникалық жобаның электрондық көшiрмесi;

осы мемлекеттiк көрсетiлетiн қызмет стандартына 3-қосымшаға сәйкес нысан бойынша инженерлiк және коммуналдық қамтамасыз ету көздерiне қосылу үшiн техникалық шарттарға арналған сауалнама парағы мен топографиялық түсiрiлiмнiң электрондық көшiрмесi (қосымша инженерлiк және/немесе коммуналдық қамтамасыз ету көздерiне қосу және/немесе жүктеменi арттыру қажет болған жағдайда);

жер учаскесiне құқық белгiлейтiн құжаттардың электрондық көшiрмесi (егер реконструкциялау жер учаскесiн қосымша бөлудi (кесiп берудi) көздейтiн болса) (түпнұсқа салыстырып тексеру үшiн ұсынылады) ("Жылжымайтын мүлiк тiркелiмi" мемлекеттiк мәлiметтер базасында тiркелмеген жағдайда);

Қызмет алушыдан ақпараттық жүйелер арқылы алынуы мүмкiн құжаттарды талап етуге жол берiлмейдi.

Жеке басын куәландыратын, заңды тұлғаны мемлекеттiк тiркеу (қайта тiркеу) туралы, жеке кәсiпкер ретiнде тiркеу туралы құжаттар туралы мәлiметтердi, жылжымайтын мүлiкке тiркелген құқықтар (ауыртпалықтар) және оның техникалық сипаттамалары туралы анықтаманы Мемлекеттiк корпорацияның қызметкерi "электрондық үкiмет" шлюзi арқылы тиiстi мемлекеттiк ақпараттық жүйелерден алады.

Көрсетiлетiн қызметтi алушы осы мемлекеттiк көрсетiлетiн қызмет стандартының 9-тармағында көзделген тiзбесiне сәйкес құжаттардың толық пакетiн ұсынбаған жағдайда, Мемлекеттiк корпорация қызметкерi өтiнiштi қабылдаудан бас тартады және осы мемлекеттiк көрсетiлетiн қызмет стандартына 5-қосымшаға сәйкес құжаттарды қабылдаудан бас тарту туралы қолхат бередi.

Мемлекеттiк корпорация қызметкерi мемлекеттiк қызметтi көрсету кезiнде көрсетiлетiн қызметтi алушының, егер Қазақстан Республикасының заңдарында өзгеше көзделмесе, ақпараттық жүйелердегi заңмен қорғалатын құпияны құрайтын мәлiметтердi пайдалануға келiсiмiн алады.

Мемлекеттiк корпорация қызметкерi құжаттарды қабылдаған кезде құжаттардың электрондық көшiрмелерiн жасайды, содан кейiн тұпнұсқаларды көрсетiлетiн қызметтi алушыға қайтарады.

Көрсетiлетiн қызметтi алушыға осы тармақта көзделген тиiстi құжаттардың қабылданғаны туралы қолхат беру Мемлекеттiк корпорация арқылы өтiнiштiң қабылдануын растау болып табылады.

Мемлекеттiк корпорация арқылы дайын құжаттарды беру тиiстi құжаттарды қабылдау туралы қолхат негiзiнде жеке басын куәландыратын құжатты ұсынған кезде алушыға (не уәкiлеттi өкiлi: құзыретiн растайтын құжат бойынша заңды тұлға; нотариалды куәландырылған сенiмхат бойынша жеке тұлға) жүзеге асырылады.

Мемлекеттiк корпорация нәтиженi бiр ай мерзiм iшiнде сақтауды қамтамасыз етедi, содан кейiн нәтиже одан әрi сақтау үшiн көрсетiлетiн қызметтi берушiге жiбередi. Бiр ай өткен соң көрсетiлетiн қызметтi алушы өтiнiш жасаған кезде Мемлекеттiк корпорацияның сұрауы бойынша көрсетiлетiн қызметтi берушi бiр жұмыс күнiнiң iшiнде көрсетiлетiн қызметтi алушыға беру үшiн Мемлекеттiк корпорацияға дайын құжаттарды жiбередi.

10. Көрсетiлетiн қызметтi алушының және (немесе) мемлекеттiк қызмет көрсету үшiн қажеттi ұсынылған материалдардың, объектiлердiң, деректердiң және мәлiметтердiң "Құрылыс саласындағы құрылыс салуды ұйымдастыру және рұқсат беру рәсiмдерiнен өту қағидаларын бекiту туралы" Қазақстан Республикасы Ұлттық экономика министрiнiң 2015 жылғы 30 қарашадағы № 750 бұйрығымен бекiтiлген (Нормативтiк құқықтық актiлердiң мемлекеттiк тiркеу тiзiлiмiнде № 12684 болып тiркелген) Құрылыс саласындағы құрылыс салуды ұйымдастыру және рұқсат беру рәсiмдерiнен өту қағидаларының 33 және 53-тармақтарымен белгiленген талаптарға сәйкес келмеуi мемлекеттiк көрсетiлетiн қызметтi ұсынудан бас тартуға негiз болып табылады.

3-тарау. Мемлекеттiк қызметтер көрсету мәселелерi бойынша Мемлекеттiк корпорацияның және (немесе) оның қызметкерлерiнiң шешiмдерiне, әрекеттерiне (әрекетсiздiгiне) шағымдану тәртiбi

11. Мемлекеттiк корпорация қызметкерiнiң әрекеттерiне (әрекетсiздiгiне) шағым осы мемлекеттiк көрсетiлетiн қызмет стандартының 13-тармағында көрсетiлген мекенжайлар мен телефондар бойынша қажеттiлерiн Мемлекеттiк корпорация басшысының атына берiледi.

Мемлекеттiк корпорацияға қолма-қол, сол сияқты поштамен түскен шағымның қабылдануының расталуының тiркелуi (мөртабан, кiрiс нөмiрi мен тiркеу күнi шағымның екiншi данасына немесе шағымға iлеспе хатқа қойылады) болып табылады.

Портал арқылы өтiнiш берген кезде шағымдану тәртiбi туралы ақпаратты бiрыңғай байланыс орталығының 1414, 8 800 080 7777 телефоны бойынша алуға болады.

Шағымды портал арқылы жiберген кезде көрсетiлетiн қызметтi алушының "жеке кабинетiнен" өтiнiш туралы ақпарат қолжетiмдi болады, ол көрсетiлетiн қызметтi берушi өтiнiштi өңдеу (жеткiзу, тiркеу, орындау туралы белгiлер, қарау немесе қараудан бас тарту туралы жауап) барысында жаңартылады.

Көрсетiлген мемлекеттiк қызмет нәтижелерiмен келiспеген жағдайда, көрсетiлетiн қызметтi алушы мемлекеттiк қызметтердi көрсету сапасын бағалау және бақылау жөнiндегi уәкiлеттi органға шағыммен өтiнiш бере алады.

Мемлекеттiк қызметтердi көрсету сапасын бағалау және бақылау жөнiндегi уәкiлеттi органға келiп түскен көрсетiлетiн қызметтi алушының шағымы оны тiркеген күннен бастап 15 (он бес) жұмыс күнi iшiнде қаралуға жатады.

12. Көрсетiлген мемлекеттiк қызмет нәтижелерiмен келiспеген жағдайда, көрсетiлетiн қызметтi алушының Қазақстан Республикасының заңнамасында белгiленген тәртiппен сотқа жүгiнедi.

4-тарау. Мемлекеттiк қызметтi Мемлекеттiк корпорация арқылы көрсету ерекшелiктерiн ескере отырып қойылатын өзге де талаптар

13. Көрсетiлетiн қызмет алушының тыныс-тiршiлiгiн әрекетiн шектейтiн ағза функцияларының тұрақты бұзылуымен денсаулығының ақаулары бар көрсетiлетiн қызметтi алушыларға мемлекеттiк қызмет көрсету үшiн құжаттарды қабылдауды Бiрыңғай байланыс орталығы 1414, 8 800 080 7777 арқылы өтiнiш беру жолымен Мемлекеттiк корпорация қызметкерi тұрғылықты жерiне барып жүргiзедi.

14. Мемлекеттiк қызметтi көрсету орындарының мекенжайлары мына интернет-ресурстарда:

Министрлiктiң: www.mid.gov.kz;

Мемлекеттiк корпорацияның: www.gov4с.kz жарияланған.

15. Көрсетiлетiн қызметтi алушының электрондық цифрлық қолтаңбасы болған жағдайда, мемлекеттiк көрсетiлетiн қызметтi портал арқылы электрондық нысанда алу мүмкiндiгi бар.

15. Көрсетiлетiн қызметтi алушының порталдағы "жеке кабинет", сондай-ақ мемлекеттiк қызметтер көрсету мәселелерi жөнiндегi Бiрыңғай байланыс орталығы арқылы қашықтықтан қол жеткiзу режимiнде мемлекеттiк қызметтер көрсету тәртiбi туралы ақпаратты алу мүмкiндiгi бар.

16. Мемлекеттiк қызмет көрсету мәселелерi жөнiндегi қызмет көрсетушiнiң анықтамалық қызметтерiнiң байланыс телефондары Министрлiктiң интернет-ресурсында: www. mid.gov.kz орналастырылған. Мемлекеттiк қызметтер көрсету мәселелерi жөнiндегi Бiрыңғай байланыс орталығы 1414, 8 800 080 7777.

Мақаланың шыққан күні: 08.11.2017 16:17
Парақтағы соңғы өзгерістер: 27.04.2018 10:55
Қаралым саны: 1409

egov.kz - мемлекеттік қызметтер және ақпарат онлайн

 

Сайттың әзірлеуші ИНТЕГРО Компаниясы
Яндекс.Метрика