Ақмола облысының сәулет және қала құрылысы басқармасы

Үлескерлердің ақшасын тартуға рұқсат беру

Жүктеу (DOC 87 Kb)

"Үлескерлердiң ақшасын тартуға рұқсат беру қағидаларын бекiту туралы" Қазақстан Республикасы Ұлттық экономика министрiнiң 2016 жылғы 29 шiлдедегi № 352 бұйрығына өзгерiстер енгiзу туралы

Қазақстан Республикасы Индустрия және инфрақұрылымдық даму министрiнiң м.а. 2020 жылғы 2 сәуiрдегi № 178 бұйрығы. Қазақстан Республикасының Әдiлет министрлiгiнде 2020 жылғы 10 сәуiрде № 20358 болып тiркелдi

ЗҚАИ-ның ескертпесi!

Осы бұйрықтың қолданысқа енгiзiлу тәртiбiн 4 т. қараңыз

БҰЙЫРАМЫН:

1. "Үлескерлердiң ақшасын тартуға рұқсат беру қағидаларын бекiту туралы" Қазақстан Республикасы Ұлттық экономика министрiнiң 2016 жылғы 29 шiлдедегi № 352 бұйрығына (Нормативтiк құқықтық актiлердi мемлекеттiк тiркеу тiзiлiмiнде № 14188 болып тiркелген, 2016 жылғы 28 қыркүйекте "Әдiлет" ақпараттық-құқықтық жүйесiнде жарияланған) мынадай өзгерiстер енгiзiлсiн:

Үлескерлердiң ақшасын тартуға рұқсат беру қағидалары осы бұйрыққа қосымшаға сәйкес редакцияда жазылсын.

2. Қазақстан Республикасы Индустрия және инфрақұрылымдық даму министрлiгiнiң Құрылыс және тұрғын үй-коммуналдық шаруашылық iстерi комитетi заңнамада белгiленген тәртiппен:

1) осы бұйрықтың Қазақстан Республикасы Әдiлет министрлiгiнде мемлекеттiк тiркелуiн;

2) осы бұйрықты Қазақстан Республикасы Индустрия және инфрақұрылымдық даму министрлiгiнiң интернет-ресурсында орналастыруды қамтамасыз етсiн.

3. Осы бұйрықтың орындалуын бақылау жетекшiлiк ететiн Қазақстан Республикасының Индустрия және инфрақұрылымдық даму вице-министрiне жүктелсiн.

4. Осы бұйрық алғашқы ресми жарияланған күнiнен кейiн күнтiзбелiк жиырма күн өткен соң қолданысқа енгiзiледi.

Қазақстан Республикасы
Индустрия және инфрақұрылымдық
даму министрiнiң мiндетiн атқарушы                                                          К. Ускенбаев

"КЕЛIСIЛГЕН"
Қазақстан Республикасының
Цифрлық даму, инновациялар және
аэроғарыш өнеркәсiбi министрлiгi
Қазақстан Республикасы

Индустрия және
инфрақұрылымдық даму
министрiнiң
2020 жылғы 2 сәуiрдегi
№ 178 бұйрығына
қосымша

Қазақстан Республикасы
Ұлттық экономика министрiнiң
2016 жылғы 29 шiлдедегi
№ 352 бұйрығымен
бекiтiлген

Үлескерлердiң ақшасын тартуға рұқсат беру қағидалары

1-тарау. Жалпы ережелер

1. Осы Үлескерлердiң ақшасын тартуға рұқсат беру қағидалары (бұдан әрi — Қағидалар) "Тұрғын үй құрылысына үлестiк қатысу туралы" 2016 жылғы 7 сәуiрдегi Қазақстан Республикасы Заңының (бұдан әрi — Заң) 5-бабының 11) тармақшасына, "Мемлекеттiк көрсетiлетiн қызметтер туралы" 2013 жылғы 15 сәуiрдегi Қазақстан Республикасы Заңының 10-бабының 1) тармақшасына, "Рұқсаттар және хабарламалар туралы" 2014 жылғы 16 мамырдағы Қазақстан Республикасының Заңына сәйкес әзiрлендi.

Осы Қағидаларда мынадай негiзгi ұғымдар пайдаланылады:

1) тұрғын үй құрылысына үлестiк қатысу саласындағы құрылыс салушы (бұдан әрi — құрылыс салушы) — уәкiлеттi компанияның жарғылық капиталына қатысу арқылы, көппәтерлi тұрғын үй құрылысына үлестiк қатысуды ұйымдастыру жөнiндегi қызметтi өзiнiң меншiктi және (немесе) тартылған ақшасы есебiнен жүзеге асыратын заңды тұлға;

2) уәкiлеттi компания — дауыс беретiн акцияларының (жарғылық капиталға қатысу үлестерiнiң) жүз пайызы құрылыс салушыға тиесiлi, көппәтерлi тұрғын үйдiң үлестiк құрылысын және көппәтерлi тұрғын үйдегi үлестердi өткiзудi қамтамасыз ету жөнiндегi қызметтi жүзеге асыратын, арнайы экономикалық аймақтардағы қызметтi қоспағанда, қандай да бiр өзге коммерциялық қызметпен айналысуға құқығы жоқ заңды тұлға;

3) үлескер — көппәтерлi тұрғын үйдегi үлестi алу мақсатында тұрғын үй құрылысына үлестiк қатысу туралы шартты жасасқан жеке тұлға (уақытша болатын шетелдiктердi қоспағанда) немесе заңды тұлға.

2. "Үлескерлердiң ақшасын тартуға рұқсат беру" мемлекеттiк кызметтi (бұдан әрi — мемлекеттiк көрсетiлетiн қызмет) облыстардың, Нұр-Сұлтан, Алматы және Шымкент қалаларының, аудандардың, облыстық маңызы бар қалалардың жергiлiктi атқарушы органдары (бұдан әрi — көрсетiлетiн қызметтi берушi) көрсетедi.

2-тарау. Үлескерлердiң ақшасын тартуға рұқсат беру тәртiбi

3. Заңды тұлғалар — құрылыс салушы және уәкiлеттi компания (бұдан әрi — көрсетiлетiн қызметтi алушы) мемлекеттiк қызметтi алу үшiн көрсетiлетiн қызметтi берушiге "электрондық үкiметтiң" веб-порталы: www.egov.kz, www.elicense.kz (бұдан әрi — портал) немесе "Азаматтарға арналған үкiмет "мемлекеттiк корпорациясы" коммерциялық емес акционерлiк қоғамы (бұдан әрi — Мемлекеттiк корпорация) арқылы мынадай құжаттарды бередi:

екiншi деңгейдегi банктiң жобаға қатысуы тәсiлiмен тұрғын үй құрылысына үлестiк қатысуды ұйымдастыру кезiнде:

1) осы Қағидаларға 1-қосымшаға сәйкес нысан бойынша үлескерлердiң ақшасын тартуға рұқсат беру туралы өтiнiш;

2) құрылыс салушының республикалық маңызы бар қалалардағы, астанадағы құрылыста жалпы алаңы кемiнде он сегiз мың шаршы метр және өзге де әкiмшiлiк-аумақтық бiрлiктердегi құрылыста кемiнде тоғыз мың шаршы метр тұрғын үйлер (тұрғын ғимараттар) құрылысының объектiлерiн өткiзу, оның iшiнде тапсырыс берушi, мердiгер (бас мердiгер) ретiнде жиынтығында кемiнде үш жыл тәжiрибесiн растайтын объектiнi пайдалануға қабылдау актiсi;

3) мемлекет берген уақытша өтеулi жер пайдалану (жалдау) құқығымен немесе меншiк құқығымен тиесiлi жер учаскесiне арналған актi ("Жылжымайтын мүлiк тiркелiмi" мемлекеттiк деректер базасы" ақпараттық жүйесiнде мәлiметтер болмаған кезде);

4) кешендi ведомстводан тыс сараптаманың оң қорытындысымен тұрғын үй (тұрғын ғимарат) құрылысы жобасының жобалау-сметалық құжаттамасы.

тұрғын үйдiң (тұрғын ғимараттың) қаңқасы тұрғызылғаннан кейiн үлескерлердiң ақшасын тарту тәсiлiмен тұрғын үй құрылысына үлестiк қатысуды ұйымдастыру кезiнде:

1) осы Қағидаларға 1-қосымшаға сәйкес нысан бойынша үлескерлердiң ақшасын тартуға рұқсат беру туралы өтiнiштi;

2) салынған объектiлердiң тәжiрибесiн растайтын объектiнi пайдалануға қабылдау соңғы бес жыл бойы, оның iшiнде тапсырыс берушi, мердiгер (бас мердiгер) ретiнде республикалық маңызы бар қалалардағы, астанадағы құрылыс кезiнде жиынтығында жалпы алаңы кемiнде алпыс мың шаршы метр және өзге де әкiмшiлiк-аумақтық бiрлiктердегi құрылыс кезiнде кемiнде отыз мың шаршы метр тұрғын үйлердi (тұрғын ғимараттарды) Қазақстан Республикасының аумағында салуға және объектiнi пайдалануға қабылдау актiсi. Бұл ретте құрылыс салушының еншiлес ұйымдарының жиынтық тәжiрибесi есепке алынады;

3) мемлекет берген уақытша өтеулi жер пайдалану (жалдау) құқығымен немесе меншiк құқығымен тиесiлi жер учаскесiне арналған актi ("Жылжымайтын мүлiк тiркелiмi" мемлекеттiк деректер базасы" ақпараттық жүйесiнде мәлiметтер болмаған кезде);

4) кешендi ведомстводан тыс сараптаманың оң қорытындысымен тұрғын үй (тұрғын ғимарат) құрылысы жобасының жобалау-сметалық құжаттамасы;

5) тұрғын үйдiң (тұрғын ғимараттың) қаңқасының аяқталған құрылысының болуы туралы инжинирингтiк компанияның есебi;

6) инжинирингтiк компаниямен шарт.

4. Мемлекеттiк қызмет көрсету ерекшелiктерi ескерiле отырып, қызмет көрсету процесiнiң сипаттамаларын, нысанын, мазмұны мен нәтижесiн, сондай-ақ өзге де мәлiметтердi қамтитын мемлекеттiк қызмет көрсетуге қойылатын негiзгi талаптар тiзбесi осы Қағидаларға 2-қосымшаға сәйкес мемлекеттiк көрсетiлетiн қызмет стандартында жазылған.

5. Құжаттарды мыналар арқылы беру кезiнде:

1) Портал:

осы мемлекеттiк қызмет көрсету қағидаларына 1-қосымшаға сәйкес нысан бойынша көрсетiлетiн қызметтi алушының ЭЦҚ-сымен куәландырылған электрондық құжат нысанындағы үлескерлердiң ақшасын тартуға рұқсат беру туралы өтiнiш;

осы Қағидалардың 3-тармағында көрсетiлген құжаттардың электрондық көшiрмесi.

Көрсетiлетiн қызметтi алушының "жеке кабинетiне" мемлекеттiк көрсетiлетiн қызмет нәтижесiн алу күнi мен уақыты көрсетiле отырып, мемлекеттiк қызмет көрсету үшiн өтiнiштiң қабылданғаны туралы мәртебе жiберiледi.

Көрсетiлетiн қызметтi берушi құжаттар мен мәлiметтердi келiп түскен күнi тiркеудi жүзеге асырады.

Көрсетiлетiн қызметтi алушы жұмыс уақыты аяқталғаннан кейiн, демалыс және мереке күндерi Қазақстан Республикасының еңбек заңнамасына сәйкес өтiнiш берген жағдайда, өтiнiштi қабылдау және мемлекеттiк қызмет көрсету нәтижесiн беру келесi жұмыс күнi жүзеге асырылады.

2) Мемлекеттiк корпорация:

осы мемлекеттiк қызмет көрсету қағидаларына 1-қосымшаға сәйкес нысан бойынша үлескерлердiң ақшасын тартуға рұқсат беру туралы өтiнiш;

көрсетiлетiн қызметтi алушы осы Қағидалардың 3-тармағында көрсетiлген құжаттардың көшiрмелерiн ұсынады. Салыстырып тексерiлгеннен кейiн құжаттардың түпнұсқалары көрсетiлетiн қызметтi алушыға қайтарылады.

Мемлекеттiк корпорацияның қызметкерi толық құжатты қабылдаған кезде құжаттарды қабылдау нөмiрi мен күнiн және мемлекеттiк көрсетiлетiн қызмет нәтижесiн алу күнiн көрсете отырып, тиiстi құжаттардың қабылданғаны туралы қолхат бередi.

Мемлекеттiк корпорацияға өтiнiш берген кезде қабылдау күнi мемлекеттiк қызмет көрсету мерзiмiне кiрмейдi, көрсетiлетiн қызметтi берушi мемлекеттiк қызмет көрсету нәтижесiн Мемлекеттiк корпорацияға мемлекеттiк қызмет көрсету мерзiмi аяқталғанға дейiн бiр тәулiктен кешiктiрмей жеткiзудi қамтамасыз етедi.

Заңды тұлғаны мемлекеттiк тiркеу (қайта тiркеу) туралы, үлескерлердiң ақшасын тартуға рұқсат беру туралы құжаттардың мәлiметтерiн көрсетiлетiн қызметтi берушi және Мемлекеттiк корпорацияның қызметкерi тиiстi мемлекеттiк ақпараттық жүйелерден "электрондық үкiмет" шлюзi арқылы алады.

Көрсетiлетiн қызметтi алушылардан ақпараттық жүйелерден алынуы мүмкiн құжаттарды талап етуге жол берiлмейдi.

Егер Қазақстан Республикасының заңдарында өзгеше көзделмесе, көрсетiлетiн қызметтi алушы мемлекеттiк қызмет көрсету кезiнде ақпараттық жүйелерде қамтылған, заңмен қорғалатын құпияны құрайтын мәлiметтердi пайдалануға жазбаша келiсiм бередi.

Көрсетiлетiн қызметтi алушы осы Қағидалардың 3-тармағында көзделген тiзбеге сәйкес құжаттардың толық топтамасын ұсынбаған жағдайда, Мемлекеттiк корпорация қызметкерi осы Қағидаларға 3-қосымшаға сәйкес нысан бойынша құжаттарды қабылдаудан бас тарту туралы қолхат бередi.

6. Мемлекеттiк қызмет көрсету мерзiмi 8 (сегiз) жұмыс күнiн құрайды.

7. Көрсетiлетiн қызметтi берушi өтiнiштi және ұсынылған құжаттарды тiркеген сәттен бастап екi жұмыс күнi iшiнде олардың толықтығын тексередi, көрсетiлетiн қызметтi алушы құжаттар топтамасын толық ұсынбаған жағдайда өтiнiштi одан әрi қараудан дәлелдi бас тарту дайындайды және көрсетiлетiн қызметтi алушыға портал арқылы "жеке кабинетке" жiбередi.

Көрсетiлетiн қызметтi берушi өтiнiштi құжаттармен қарау нәтижелерi бойынша осы Қағидаларға 2-қосымшаға сәйкес үлескерлердiң ақшасын тартуға рұқсат беру мемлекеттiк көрсетiлетiн қызметтiң нәтижесiн ресiмдейдi, қол қояды және оны көрсетiлетiн қызметтi алушыға портал арқылы "жеке кабинетiне" жiбередi не осы Қағидаларға 2-қосымшада көзделген жағдайларда және негiздер бойынша мемлекеттiк қызмет көрсетуден бас тарту туралы дәлелдi жауап қайтарады.

8. Көрсетiлетiн қызметтi берушi құрылыс салушы және (немесе) уәкiлеттi компания Заңның 9-бабының 1 және 3-тармақтарында және 10-бабының 1 және 3-тармақтарында белгiленген бiр немесе бiрнеше талаптарға сәйкес келмеген жағдайларда рұқсат беруден бас тартады.

9. Көрсетiлетiн қызметтi алушылар дәлелдi бас тарту кезiнде көрсетiлген ескертулердi жойғаннан кейiн үлескерлердiң ақшасын тартуға рұқсат беруге қайтадан өтiнiш бере алады немесе оған сот тәртiбiмен шағым жасай алады.

10. Көрсетiлетiн қызметтi берушi мемлекеттiк қызмет көрсету сатысы туралы деректердi ақпараттандыру саласындағы уәкiлеттi орган белгiлеген тәртiппен мемлекеттiк қызметтер көрсету мониторингiнiң ақпараттық жүйесiне енгiзудi қамтамасыз етедi.

Рұқсаттар мен хабарламалардың мемлекеттiк ақпараттық жүйесi арқылы мемлекеттiк қызмет көрсету кезiнде мемлекеттiк қызмет көрсету сатысы туралы деректер автоматты режимде мемлекеттiк қызметтердi көрсету мониторингiнiң ақпараттық жүйесiне түседi.

3-тарау. Мемлекеттiк қызметтер көрсету мәселелерi бойынша көрсетiлетiн қызметтi берушiлердiң және (немесе) оның лауазымды адамдарының шешiмдерiне, әрекеттерiне (әрекетсiздiктерiне) шағымдану тәртiбi

11. Шағымдар көрсетiлетiн қызметтi берушiнiң немесе сәулет, қала құрылысы және құрылыс iстерi жөнiндегi уәкiлеттi органның (бұдан әрi — уәкiлеттi орган) басшысының атына не уәкiлеттi орган басшысының блогына ("уәкiлеттi орган басшысының блогы" парағы) берiледi.

Шағымдар жазбаша нысанда пошта арқылы не жұмыс күндерi көрсетiлетiн қызметтi берушiнiң немесе уәкiлеттi органның кеңсесi арқылы қолма-қол қабылданады.

Көрсетiлетiн қызметтi берушiнiң, уәкiлеттi органның кеңсесiнде шағымның қабылданғанын растау оның тiркелуi болып табылады (мөртабан, кiрiс нөмiрi және тiркеу күнi шағымның екiншi данасына немесе шағымға iлеспе хатқа қойылады).

Портал арқылы өтiнiш берген кезде шағымдану тәртiбi туралы ақпаратты бiрыңғай байланыс орталығының 1414 телефоны арқылы алуға болады.

Шағымды портал арқылы жiберген кезде көрсетiлетiн қызметтi алушыға "жеке кабинетiнен" өтiнiш туралы ақпарат қолжетiмдi болады, ол көрсетiлетiн қызметтi берушiнiң өтiнiштi өңдеуi (жеткiзу, тiркеу, орындау туралы белгiлер, қарау немесе қараудан бас тарту туралы жауап) барысында жаңартылып отырады.

Шағымда:

1) жеке тұлға — оның тегi, аты, әкесiнiң аты (бар болса), пошталық мекенжайы көрсетiледi;

2) заңды тұлға — оның атауы, пошталық мекенжайы, шығыс нөмiрi мен күнi.

Көрсетiлетiн қызметтi берушiнiң, уәкiлеттi органның мекенжайына келiп түскен көрсетiлетiн қызметтi алушының шағымы тiркелген күнiнен бастап 5 (бес) жұмыс күнi iшiнде қаралуға жатады. Шағымды қарау нәтижелерi туралы дәлелдi жауап көрсетiлетiн қызметтi алушыға почта байланысы арқылы жiберiледi не көрсетiлетiн қызметтi берушiнiң немесе уәкiлеттi органның кеңсесiнде қолма-қол берiледi.

Көрсетiлген мемлекеттiк қызмет нәтижелерiмен келiспеген жағдайда, көрсетiлетiн қызметтi алушы мемлекеттiк қызметтер көрсету сапасын бағалау және бақылау жөнiндегi уәкiлеттi органға шағыммен жүгiне алады.

Мемлекеттiк қызметтер көрсету сапасын бағалау және бақылау жөнiндегi уәкiлеттi органның атына келiп түскен көрсетiлетiн қызметтi алушының шағымы тiркелген күнiнен бастап 15 (он бес) жұмыс күнi iшiнде қаралуға жатады.

12. Көрсетiлген мемлекеттiк қызмет нәтижелерiмен келiспеген жағдайда, көрсетiлетiн қызметтi алушы Қазақстан Республикасының заңнамасында белгiленген тәртiппен сотқа жүгiнедi

Мақаланы құрған күні 11.09.2017 10:37
Мақаланы жаңартқан күні 04.05.2020 15:36
Қаралым саны: 4336
© 2020. Ақмола облысының сәулет және қала құрылысы басқармасы